16.11.2026
Լուսանկարը` սքրինշոտ տեսանյութնից
prev Նախորդ նորություն

Ռումինիան Հայաստանի, Ադրբեջանի և Թուրքիայի հետ կքննարկի Սև ծովի անվտանգությունը

Լուսանկարը՝ informat.ro
Լուսանկարը՝ informat.ro

Ռումինիան պատրաստվում է Սևծովյան տարածաշրջանում անվտանգության ապահովման ու տրանսպորտային փոխկապակցվածության զարգացման վերաբերյալ բանակցություններ վարել Ադրբեջանի, Հայաստանի և Թուրքիայի հետ։


Բրյուսելում կայանալիք ԵՄ արտաքին գործերի խորհրդի նիստից առաջ լրագրողներին հայտնել է Ռումինիայի նոր արտգործնախարար Դան Նեկուլեսկուն։


Նա պարզաբանել է, որ Խորհրդի նիստի ավարտից հետո նախատեսվում է նախարարների մակարդակով առանձին հանդիպում անցկացնել, որի գլխավոր թեման լինելու է Սևծովյան տարածաշրջանը։ Միջոցառմանը կմասնակցեն Եվրամիության գործընկերները։


«Կարևոր է քննարկել ոչ միայն փոխկապակցվածության, այլև անվտանգության հարցերը։ Սա մեծ նշանակություն ունի, և մեր գործընկերների տեսակետները նույնպես շատ կարևոր են»,- ասել է նախարարը։


Նա ընդգծել է, որ Բուխարեստը հատուկ կարևորություն է տալիս տարածաշրջանային գործընկերների հետ այս հարցերի քննարկմանը։

Լուսանկարը՝ ադրբեջանական ԶԼՄ-նեևմր
Հաջորդ նորություն next
 Լուսանկարը` mfa.am
16.11.2026
Հայաստանն ու Հունաստանը քննարկել են ԵՄ-ի հետ գործընկերությունն ու խաղաղությունը