ԱՄՆ-ում ընթանում է Հայ Եկեղեցու Արևելյան թեմի հոգևորականների տարեկան համաժողովը

Մեկնարկել է ԱՄՆ Արևելյան թեմի հոգևորականների տարեկան համաժողովը, որը միավորում է թեմի քահանաներին միասնության, մտորումների և նպատակասլացության ոգով:

ԱՄՆ Հայոց Արևելյան թեմի առաջնորդ Մեսրոպ եպիսկոպոս Պարսամյանի ղեկավարությամբ այս համաժողովը կարևոր հնարավորություն է ընձեռում թեմի ներկայիս կյանքի և ուղղության վերաբերյալ մտածված երկխոսության մեջ մտնելու համար։

«Այս տարի մենք հատկապես ուրախ ենք ողջունել Մայր Աթոռ Սուրբ Էջմիածնից երկու պատվավոր հյուրերի՝ Տ. Զաքարիա ծայրագույն վարդապետ Բաղումյանին և Տ. Մովսես վարդապետ Սարգսյանին, ովքեր օգնեցին իմաստալից զրույցներ վարել Հայ Եկեղեցու առջև ծառացած մարտահրավերների և հնարավորությունների վերաբերյալ»,- ասվում է հաղորդագրությունում։