Մի ամբողջ իշխանություն 18-ամյա պատանու դեմ

Երեկ ուշ երեկոյան 18-ամյա Դավիթ Մինասյանին Նաիրի ԲԿ-ից տեղափոխեցին ՔԿՀ: Այս մասին հայտնել է պատանու փաստաբան Լուսինե Մարտիրոսյանը:

"Մի ամբողջ պետական ռեսուրս կենտրոնացել է ընդամենը 18-ամյա երիտասարդի վրա, ու արդյոք հիմա ինչ Դավիթի հետ է արվում նույնը չէ, ինչ բաքվի բանտում մեր հայրենակիցների հետ...",- գրել է փաստաբանը:

Հիշեցնենք, Դավիթը կալանավորվել է Սուրբ Աննա եկեղեցու միջադեպով: Բացի այն, որ Նիկոլ Փաշինյանի թիկնապահի հարվածից նա ստացել է ուղեղի ցնցում և այլ վնասվածք, նա նաև այլ առողջական խնդիրներ ունի: Սակայն դատարանը նրան տնային կալանքի չտարավ և առաջին օրվանից պատանին տեղափոխվել էր բժշկական կենտրոն: