Դպրոցական Դավիթ Մինասյանին տեղափոխում են «Աբովյան» ՔԿՀ

Նիկոլ Փաշինյանի միջադեպի գործով կալանավորված դպրոցական Դավիթ Մինասյանին տեղափոխում են «Աբովյան» ՔԿՀ՝ հիվանդանոց տեղափոխելու փոխարեն: Այս մասին հայտնեց փաստաբան Լուսինե Մարտիրոսյանը:

«Երեկ փաստաբան Վարդուհին  Էլբակյան է կեսօրին այցելել իրեն, ինքնազգացողությունը լավ չի եղել, դրա համար գիշերը նորից գնացել ենք իր մոտ, կրկին գանգատներ կային, իհարկե, հիվանդություններ կան, որոնք ես ուղղակի չեմ կարող հրապարակել, ու անգամ մենք չէինք իմացել, որ որոշ վիրահատություններ է տարել»,-ասաց պաշտպանը:

Թե ինչու են որոշել «Աբովյան» ՔԿՀ տեղափոխել, որտեղ և´ անչափահասների, և´ կանանց գաղութն է, Լուսինե Մարտիրոսյանն ասաց` պատճառը կրթության իրավունքի ապահովումն է։ Իշխանությունները փորձում են պատրանք ստեղծել` իբր ապահովում են կալանավորի կրթության իրավունքը: