Նոր հաշվարկային կարգով էլեկտրամոբիլների գույքահարկը էականորեն նվազում է

Նոր հաշվարկային կարգով էլեկտրամոբիլների գույքահարկը էականորեն նվազում է․ ՀՀ կառավարության որոշումը ուժի մեջ է մտել: Այդ մասին հայտնում են ՀՀ ՆԳՆ-ից։

Որոշումն ուժի մեջ է մտնում այսօրվանից, որով փոփոխվել է էլեկտրամոբիլի շարժիչի հզորությունը հաշվելու կարգը։

Նշվում է, որ եթե մեքենան արդեն ունի էլեկտրոնային անձնագիր, ապա գույքահարկը հաշվելիս կօգտագործվի դրանում նշված տեղեկատվությունը, իսկ դրա բացակայության դեպքում հաշվարկը կարվի նոր կարգով։

Մինչև 250 ձիաուժը ներառյալ հզորության դեպքում թիվը բաժանվում է 1․5-ի, 251 և բարձր ձիաուժ հզորության դեպքում՝ հաշվարկը կատարվում է 2 մասով։ Առաջին 250 ձիաուժը բաժանվում է 1․5-ի, իսկ մնացած մասը՝ 2․5-ի։ Հետո ստացված արդյունքները գումարվում են։