«Հայոց ցեղասպանության ճարտարապետն Օսմանյան կայսրությունն էր, իսկ Գերմանական կայսրությունը՝ մեղսակից»

Հունիսի 2-ին Գերմանիայի խորհրդարանում քվեարկության է դրվելու Հայոց ցեղասպանության ճանաչման նախագիծը, որի վերաբերյալ Թուրքիայի քաղաքական շրջանակներում տարբեր մեկնաբանություններ են հնչում։ Այս ամենի ֆոնին ուշագրավ է թուրք հոդվածագիր Հուսեյն Շենոլի հրապարակումը, որը ներկայացնում է avrupaforum.org կայքը։

Հոդվածագիրը, նախ, նշում է , որ Գերմանիայում տեղի ունեցող այս գործընթացներին մեծ ուշադրությամբ հետևում են ոչ միայն Թուրքիայում, այլև եվրոպական բոլոր պետություններում ու առհասարակ միջազգային հանրությունը։ Շենոլի համոզմամբ՝ եթե Գերմանիան ճանաչի Հայոց ցեղասպանությունը, ապա այս հարցը նորից կհայտնվի համաշխարհային հանրության և տարբեր պետությունների ուշադրության կենտրոնում, ինչն օգտակար կլինի բոլոր ժողովուրդների համար։

Թուրք հոդվածագիրը հունիսի 2-ին Բունդեսթագում տեղի ունենալիք քվեարկությունը որակում է «քննություն առ մարդկության դեմ պատասխանատվության»: Նա ինքն էլ կողմ է, որպեսզի Գերմանիան ճանաչի Հայոց ցեղասպանությունը՝ նկատելով, որ Թուրքիայի իշխող կուսակցությունն ու նույնիսկ ընդդիմադիր գործիչները օգտագործում են դիվանագիտական բոլոր հնարքները, խոսում սպառնալիքի լեզվով։ Մինչդեռ, գրում է Շենոլը, 1915 թվականին Հայոց ցեղասպանության ճարտարապետը Օսմանյան կայսրությունն էր, իսկ Գերմանական կայսրությունն ու Օսմանյան կայսրության իրավահաջորդ Թուրքիայի Հանրապետությունը մեղսակիցներ են.

«Հունիսի 2-ին մարդկությունը դաս ունի քաղելու»,- հավելել է հոդվածը թուրք հոդվածագիրը։